මලල ක්‍රීඩා දෙවැනි තේරීම් (Trial) තරගාවලි ජූනි දක්වා කල් යයි.
ජාතික මලල ක්‍රීඩා සංගමය මගින් ක්‍රියාත්මක කරන දෙවැනි තේරීම් තරගාවලිය (Trial) ජූනි මස 1 හා 2 දිනයන් හීදී පැවැත්වීමට තීරණය කර තිබේ.
ඉන්දියාවේ දී පැවැත්වෙන ආසියානු ශූරතා මලල ක්‍රීඩා තරගාවලිය මසකින් කල් දැමීම හේතුවෙන්, මැයි මස 3 සහ 4 දිනයන් හීදී පැවැත්වීමට නියමිතවූ ඉහත තේරීම් තරගාවලිය (Trial) කල් දැමීමට තීරණය කර තිබේ.
ඉන්දියාවේ ඔඩිෂා ප්‍රාන්තයේදී පැවැත්වීමට නියමිත ආසියානු ශූරතා මලල ක්‍රීඩා තරගාවලිය ජූලි මස 6 වැනි දා සිට 9 වැනි දා දක්වා පැවැත්වීමට නියමිතය.
මීට පෙර ආසියානු මලල ක්‍රීඩා ශූරතාවලිය ඉන්දියාවේදී පැවැත්වීමට නියම වූයේ, ජූනි මස පළමු සතියේ දීය.
ජූනි මස 1-2 පැවැත්වෙන තේරීම් (Trial) තරගාවලියේදී, ආසියානු ශූරතා මලල ක්‍රීඩා තරගාවලියට මෙන්ම, ලෝක ශූරතා මලල ක්‍රීඩා තරගාවලියට සුදුසුකම් ලබා ගැනීමට ක්‍රීඩක ක්‍රීඩිකාවන්ට අවස්ථාව හිමිවනු ඇත.
තේරීම් තරගාවලිය පැවැත්වෙන කාල සටහන පහත පරිදි වේ.
(මෙය පළමු තේරීම් තරගාවලිය පැවති කාලසටහනට අනුව ක්‍රියාත්මක වනු ඇත.)
