මලල ක්‍රීඩා සංචිතයට දෙන දීමනාවේ හිඟ මුදලින් කොටසක් ලැබෙයි
මලල ක්‍රීඩා සංචිතය සඳහා ලබා දෙන, දීමනාවේ පෙබරවාරි මස දීමනාව, මාස 4 ක ඇවෑමෙන් පසුව අද ලබා දීමට ක්‍රීඩා අමාත්‍යංශය පියවර ගෙන තිබේ.
ඊට අමතරව, මාර්තු, අප්‍රේල්, මැයි හා ජූනි මාස සඳහා වන හිඟ මුදල ලබන සඳුදා ලබා දීමට පියවර ගන්නා බවද ක්‍රීඩා අමාත්‍යවරයා අවධාරණය කර තිබේ.
27 දෙනෙකුගෙන් යුත්, මලල ක්‍රීඩා සංචිතය වෙනුවෙන් හා පුහුණුකරුවන් විසිදෙනෙකු හට මෙම දීමනාව පිරිනැමේ.
පසුගිය පෙබරවාරි මස පළමු වරට මෙම දීමනාව, ජනවාරි මාසය වෙනුවෙන් ලබා දුන්නද ඉන් පසුව මාසිකව ලබා දීමට නියමිතවූ මුදල ලබා දීමට ක්‍රීඩා අමාත්‍යංශය අපොහොසත්විය.
ශ්‍රී ලංකා මලල ක්‍රීඩක ක්‍රීඩිකාවන් ලබන ජූලි මස ඉන්දියාවේ දී පැවැත්වෙන ආසියානු ශූරතා මලල ක්‍රීඩා තරගාවලිය ඉලක්ක කරගනිමින් සිය පුහුණුවීම් සිදුකරයි.
