පැරා ශූර අනිල් ජයලත්ට අවාසනාව හරස්වෙයි
ලෝක ශූරතා පැරා මලල ක්‍රීඩා තරගාවලියේ තවත් පදක්කම් බලාපොරොත්තුවක් වූ අනිල් ප්‍රසන්න ජයලත්ට අද (18) අළුයම පැවති ටී.42 මීටර් 100 තරගයෙන් අවාසනාවන්ත ලෙස ඉවත්වීමට සිදුවිය.
ආසියානු පැසිෆික් පදක්කම් ලාභියෙකු ලෙස මෙම තරගයට සහභාගී වූ අනිල්ට තරගය අහිමිවූයේ, වැරදි ආරම්භයක් ලබා ගැනීම හේතුවෙනි.
ශ්‍රී ලංකා යුධ හමුදාවේ සේවයේ නියුතුව සිටියදී ආබිදයකට ලක්වූ අනිල්, ක්‍රීඩාවෙන් ලොව ජය ගනිමින් එම කාණ්ඩයේ පළමු ක්‍රීඩකයන් 9 දෙනා අතරට පැමිණීමම ජයග්‍රහණයක් ලෙස දැක්විය යුතුය.
අනෙක් රටවල්, නවීන තාක්ෂණය හා නවීන අංගෝපාග සමගින් පුහුණුකටයුතු සිදුකරමින් තරග වදිද්දී අනිල් වැනි මෙරට ක්‍රීඩකයන්ට ක්‍රීඩා කිරීමට සිදුව ඇත්තේ අවම පහසුකම් යටතේය.
එංගලන්තයේ පැවැත්වෙනවෙන ලෝක ශූරතා පැරා තරගාවලියට ශ්‍රී ලංකාවෙන් අනිල්ට අමතරව අමරා ඉන්දුමතී හා දිනේශ් ප්‍රියන්ත හේරත් සහභාගී වේ. දිනේෂ් තරගාවලියේ පළමු දිනයේම හෙල්ල විසිකිරීමෙන් රිදී පදක්කමක් දිනා ගැනීමට සමත්විය.
අනිල්ගේ මීටර් 100 අවසන් තරගය
https://www.facebook.com/CeylonAthletics/videos/405194179876035/
අනිල්ගේ මීටර් 100 මූලික තරගය
https://www.facebook.com/CeylonAthletics/videos/405001859895267/
දිනේෂ් පදක්කම දිනාගත් තරගය
https://www.facebook.com/CeylonAthletics/videos/404499406612179/
