Video: අධ්‍යාපන කටයුතු සමගින් ක්‍රීඩාවෙන් ද ජාත්‍යන්තරය ජයගන්න වෙර දරණ ඩිල්ෂි …
ස්ථිර රැකියාවක් නොමැති පවුලක එකම දරුවා ලෙස තෙල්දෙණිය ප්‍රදේශයෙන් මෙරටට දායද වූ ඩිල්ෂී කුමාරසිංහ කණිෂ්ඨ ආසියානු මලල ක්‍රීඩා තරගාවලියේ දී පදක්කම් තුනක් ශ්‍රී ලංකාවට හිමිකරදෙන්නේ, නව කණිෂ්ඨ ශ්‍රී ලංකා වාර්තා දෙකක් තම නම ඉදිරියේ සටහන් කරමිනි.
දැන් ඇයට ඇති එකම අභියෝගය වන්නේ, උසස්පෙළ ඉහළින් සමත්ව උසස් අධ්‍යාපනයේ දොරගුලු විවර කරගැනීමයි. පවුල් පසුබිම අනුව කිසිවෙකුට, ක්‍රීඩාව කෙරෙහි අවධානය යොමුකරන මෙන් ඇයට බල කිරීමේ හැකියාවක් නොමැත. මෙවන් දක්ෂයින් ක්‍රීඩා ක්ෂේත්‍රයේ රඳවා තබා ගැනීමට සමත් ක්‍රමවේදයක් මෙරට නොවීම ඛේදජනකය.
වලල ඒ රත්නායක මධ්‍ය විද්‍යාලයේ සහයෝගය හා සෙවණ ඇයගේ දක්ෂතා ඉහළ යෑමේ තෝතැන්නවේ. නමුත්, ඇයට අනාගතය සාර්ථක කරගැනීමට නම් අධ්‍යාපනයේ රැකවරණය අත්‍යාවශ්‍යවේ.
ඩිල්ෂී පදක්කම් සටන අවසන අප සමග දොඩමලුවිය.
Asian Junior Athletics Championship 2018 – Gifu, Japan – CeylonAthletics.
