දුරෙන් තුන්පිම්මට මාරු වී සුපිරි පිම්මක් පැන්න පන්නල ග්‍රේෂන්
ජාතික තේරීම් තරගාවලිය 2019: දුර පැනීම ඉසව්වෙන් ලෝක ශූරතා කණිෂ්ඨ මලල ක්‍රීඩා තරගාවලියට පවා සුදුසුකම් ලබා ගනිමින් මීටර් 7.89 ක උපරිම දක්ෂතාවක් දක්වා සිටින ග්‍රේෂන් ධනංජය ද සිල්වා තුන් පිම්ම ඉසව්වේ ශ්‍රී ලංකා වාර්තාව තමා සතුකරගැනීමට සමත් විය.
පසුගිය දා අවසන් වූ තේරීම් තරගාවලියේ දී ග්‍රේෂන්, සංජය ජයසිංහ සතු වූ තුන්පිම්ම ශ්‍රී ලංකා වාර්තාව තෙවරක් අලුත් කරමින් නව වාර්තාව පිහිටුවීම විශේෂත්වයක් විය.
පන්නල ප්‍රදේශයෙන් ක්‍රීඩාවට පිවිසි ග්‍රේෂන් වෙන්නප්පුව ජෝසප් වාස් විද්‍යාලයේ ආදි සිසුවෙක්.
ඔහු ලැබූ ජයග්‍රහණය පිළිබඳව අදහස් පළ කළේ මෙලෙසයි.
