නිලානී රත්නායකට ලෝකෙන්ම පස්වැනි තැන

ආරක්ෂක සේවා ලෝක ක්‍රීඩා උළෙලේ අද පැවති මීටර් 3000 බාධක දිවිමේ කාන්තා ඉසව්වට සහභාගීවූ නිලානී රත්නායක 5 වැනි ස්ථානය හිමිකරගත්තාය.

ඇය මිනිත්තු 9:48.38 ක දක්ෂතාවක් දැක්වූ අතර, එය අය පුද්ගලිකව වාර්තා කළ දෙවැනි හොඳම දක්ෂතාව ද වේ.

නිලානීගේ හොඳම දක්ෂතාව ලෙස සැලකෙන්නේ ශ්‍රී ලංකා වාර්තාව ද වන මිනිත්තු 9.46.76 ක දක්ෂතාවකි.

මෙම තරගයේ රන් රිදී ලෝකඩ පදක්කම් දිනාගත් ක්‍රීඩිකාවන් තිදෙනාම තරගාවලි වාර්තාව අභිබවා යෑමට සමත් වීම විශේෂත්වයක් වූවාය.

මෙහි රන් පදක්කම දිනා ගත් බහරේන් ක්‍රීඩිකා යාවි වින්ෆ්‍රඩ් ලෝක ශ්‍රේණිගත කිරීම් හී 6 වැනි ස්ථානයේ පසුවන අතර, දෙවැනි ස්ථානය හිමි වූ ස්ලෝවේනියාවේ මිස්මස් මරුසා ලෝක ශ්‍රේණිගත කිරීම්හි 15 වැනි ස්ථානයේ පසුවනවා.

තුන්වැනි ස්ථානය හිමි වූ ඇල්බේනියාවේ ගෙගා ලිවිසා පසුවන්නේ ලෝක ශ්‍රේණගත කිරීම් හී 13 වැනි ස්ථානයේයි.

පස්වැනි ස්ථානයට පත් වූ නිලානී රත්නායක පසුවන්නේ ලෝක ශ්‍රේණගත කිරීම් හී 43 වැනි ස්ථානයේයි.