නේපාලය බලා ගිය කණ්ඩායම් දිල්ලි දූවිල්ලට හසුව මහ මග
මෙරටින් අද අළුයම නව දිල්ලිය හරහා නේපාලය බලා පිටත් වූ ක්‍රීඩක ක්‍රීඩිකාවන් පිරිසකට නවදීල්ලියේ දී ඇබැද්දියකට මුහුණ දීමට සිදුව තිබේ.
මෙරටින් පැයකට අධ්ක පමාවකින් ගුවන් ගත වූ යානය නවදිල්ලියේ පැවති අධික දූවිලි සහිත සුලං තට්ටුව හේතුවෙන් ජායිපූර් වෙත හරවා යවා ඇත. ජායි පූර් හී පැය 4කට අධික කලෙයක් නවත්වා තබා නැවත පරිසර තත්වය යහපත් වීමෙන් පසුව දිල්ලිනුවරට ළඟා වී ඇත.
මෙම ක්‍රීඩක ක්‍රීඩ්කාවන් අතර හෙට තරග වැදීමට නියමිත ටේබල් ටෙනිස් කණ්ඩායම ඇතුළත් ව ඇත.
දිල්ලියට පැමිණීමෙන් පසුව නේපාලය බලා ගමන් කිරීමට ගුවන් යානා නොමැතිවීම මත නැවත අපහසුතාවට ලක්ව තිබේ.
මේ අතරට මලල ක්‍රීඩා පුහුණුකරුවන් පිරිසක්ද ඇතුළත් වන අතර ඔවුන් සිය පුද්ගලික මුදලින් තරගාවලියට එක්වෙයි.
කොළඹින් ඊයේ නේපාලය දක්වා සෘජු ගුවන් යානයක් කුලී පදනම මත ගෙන ගියද එහි ක්‍රීඩක ක්‍රීඩකාවන්ට වඩා අමත්‍යාංශ නිළධාරීන් හා විශේෂ දූත පිරිස් වෙත ප්‍රමුඛතාව දී තිබිණ.
