රිලේ කණ්ඩායම් 16 කට ඔලිම්පික් වරම් – තේරීම් සිදුකරන ක්‍රමය එළි දැක්වේ.
ලෝක මලල ක්‍රීඩා සංගමය විසින් ඉදිරියේ දී තරගාවලිය පැවැත්වීමට සැලසුම් කරන ආකාරය හා ජපානයේ පැවැත්වෙන ඔලිම්පික් ක්‍රීඩා උළෙලට තේරීම් සිදුවන ආකාරය සම්බන්ධයෙන් සංශෝදන ඉදිරිපත් කර තිබේ.
ඒ අනුව, තරගාවලිය සඳහා සුදුසුකම් ලබා ගැනීමේ කාලය ද වෙනස් කර තිබේ.
ඒ අනුව, පහත සඳහන් පරිදි මැරතන්, කි.මී.50 තරග ඇවිදීම සඳහා සුදුසුකම් ලබන කාලය 2019 ජනවාරි 1 වැනි දා සිට,2019 අප්‍රේල් 5 දක්වා හා 2020 දෙසැම්බර් 1 වැනි දා සිට 2021 මැයි 31 වැනි දා දක්වා ලෙස දැක්වේ.
මීටර් 10000, කි.මී.20 තරග ඇවිදීම හා මිශ්‍ර ඉසව් සඳහා සුදුසුකම් ලබා ගැනීමේ කාලය 2019 ජනවාරි 1 වැනි දා සිට,2020 අප්‍රේල් 5 දක්වා හා 2020 දෙසැම්බර් 1 වැනි දා සිට 2021 ජූනි 29 වැනි දා දක්වා ලෙස දැක්වේ.
අනෙක් සියලු ඉසව් සඳහා සුදුසුකම් ලබා ගැනීමේ කාලය 2019 මැයි 1 වැනිදා සිට 2020 අප්‍රේල් 5 දක්වා හා 2020 දෙසැම්බර් 1 වැනි දා සිට 2021 ජූනි 29 වැනි දා දක්වා ලෙස දැක්වේ.
මේ අනුව,2020 අප්‍රේල් 5 සිට 2020 දෙසැම්බර් 1 වැනි දා දක්වා කාලය තුළ පැවැත්වෙන කිසිදු තරගයක ප්‍රතිඵල වලංගුනොවන බව ලෝක මලල ක්‍රීඩා සංගමය නිවේදනය කරයි.
- Qualification period:
- Marathon and 50km Race Walk: from 1 January 2019 to 5 April 2020 and from 1 December 2020 to 31 May 2021
- 10,000m, 20km Race Walk and Combined Events: from 1 January 2019 to 5 April 2020 and from 1 December 2020 to 29 June 2021
- All other events: from 1 May 2019 to 5 April 2020 and from 1 December 2020 to 29 June 2021
ශ්‍රී ලංකාවට ඇති අවස්ථා…
මෙවර ඔලිම්පික් ක්‍රීඩා උළෙලේ සහාය දිවීමේ කණ්ඩායම් සඳහා කණ්ඩායම 16 බැගින් තෝරා ගන්නා අතර එම කණ්ඩායම් තෝරා ගන්නා ආකාරය පහත සඳහන් පරිදි වේ.
2021 වසරේ මැයි මාසයේ පෝලන්තයේ දී පැවැත්වෙන සහාය දිවීමේ ලෝක ශූරතාවලියේ දී අවසන් තරගයට සුදුසුකම් ලබන කණ්ඩාවයම් (08),
ඉහත තේරීම සඳහා අඩංගු නොවන, 2019 ලෝක ශූරතා මලල ක්‍රීඩා තරගාවලියේ දී අවසන් තරගයට සහභාගී වූ කණ්ඩායම් හා
ඉහත තරගාවලි දෙකේදීම සුදුසුකම් ලබා ගැනීමේ අවස්ථාව අහිමි වූ කණ්ඩායම්, අතරින් ඉතිරි කණ්ඩායම් තෝරාගනු ලබන්නේ 2021 ජූනි 29 වැනි දා දක්වා ලෝක ශ්‍රේණිගත කිරීම් හී දක්ෂතා ලේඛණයට අනුව ඉදිරියෙන්ම පසුවන ඉතිරි සෙසු කණ්ඩායම්.
ලැබූ විවේකයෙන් උපරිම ප්‍රයෝජන ගනිමින් ශ්‍රී ලංකා 4×100 හා 4×400 පිරිමි කණ්ඩායම් සඳහා මේ සඳහා සුදුසුකම් ලබා ගැනීමේ අවස්ථාව නිර්මාණය වී ඇති අතර, 4×400 මිශ්‍ර සහාය කණ්ඩායමට ද අවස්ථාවක් තිබේ.
මේ අතර, සෙසු ඉසව් සඳහා සුදුසුකම් ලබා ගැනීමේ පරිසාධන මට්ටම් පහත පරිදි වේ.
