යුපුන්ට ස්විට්සර්ලන්තයේ දී නොමැකෙන මතකයක්… (Video)

පොදුරාජ්‍ය මණ්ඩලයීය වේගවත්ම ක්‍රීඩකයා මෙන්ම මෙම වසරේ වේගවත්ම ක්‍රීඩකයා වන දකුණු අප්‍රිකාවේ අකානේ සිම්බිනේ 10.02 හා කණිෂ්ඨ ලෝක ශූර ඉතාලියේ ෆෙලීපෝ ටෝටු 10.07 තරග කල ආරාධිත තරගාවලියකට සහභාගී වෙමින් යුපුන් අබේකෝන් තුන්වැනි ස්ථානයට පත්වීමට අද සමත් විය.

ඔහුගේ කාලය තත්ත්පර 10.24 ක් විය.

ආරාධිත තරගාවලියක් ලෙස ස්විට්සර්ලන්තයේ ඊයේ (15) පැවති මෙම තරගාවලියට යුරෝපයේ පුහුණුව ලබන ප්‍රමුඛ පෙලේ ක්‍රීඩිකාවන් රැසක් සහභාගී විය.

ජාත්‍යන්තර තලයේ ප්‍රමුඛ පෙළ ක්‍රීඩකයන් සමග තරග කල පළමු අවස්තාවේදීම මෙවැනි කාලයක් වාර්තා කිරීම⁣ට හැකි වීම පුද්ගලිකව යුපුන් ලැබූ ජයග්‍රහණයක් ලෙස සැලකිය හැක.

ඔහු පසුගිය දා ශ්‍රී ලංකා වාර්තාවද තමා සතු කරගත්තේ තත්ත්පර 10.16 ක කාලයක් වාර්තා කරමිනි. මෙම වසරේ යුපුන් වාර්තා කල කාලයන් පහත පරිදි වේ.

මීටර් 100 (තත්පර)
10.32
10.29 (+2.0)
10.23
10.16 (ශ්‍රී ලංකා වාර්තාව)
10.24