සුසන්තිකා ජයසිංහගේ ඔලිම්පික් පදක්කමට වසර 20 යි

ආසියාවේ කළු වෙළඹ ලෙසින් විරුදාවලිය ලත් සුසී, එහෙමත් නැත්නම් සුසන්තිකා ජයසිංහ මීට වසර 20 කට පෙර අදවන් දිනක මෙරට ක්‍රීඩා ඉතිහාසයට නව පිටුවක් එක් කිරිමට සමත් වූවාය.

2000 වසරේ ඔස්ට්‍රේලියාවේ සිඩ්නිහීදී පැවැති ඔලිම්පික් ක්‍රීඩා උළෙලට සහභාගීවෙමින් වසර 52 ක ඔලිම්පික් පදක්කම් පිපාසයට තිත තබමින් ඇය මීටර් 200 ඉසව්වේ ලෝකඩ පදක්කම දිනාගැනීමට සමත් විය.

සුසන්තිකාගෙ ලෝකඩ පදක්කම පසුව රිදී පදක්කමක් බවට පත් වූයේ, තරගය ජයග්‍රහණය කළ ඇමරිකාවේ මේරියන් ජෝන්ස් තහනම් උත්තේජක භාවිත කල බවට චෝදනා එල්ලවීමත් සමගිනි.

ශ්‍රී ලංකාව ඔලිම්පික් පදක්කමක් දිනා ගත්තේ, පළමු ඔලිම්පික් පදක්කම දිනූ ඩන්කට් වයිට් මහතා, එය දිනා වසර 52 කට පසුවයි.

සුසන්තිකා ජයගත් ඔලිම්පික් පදක්කමෙන් පසුව අද වන විට වසර 20 ක් ගත වුවද කිසිදු ක්‍රීඩාවකින් ඔලිම්පික් පදක්කමක් අහලකටවත් ඒමට නොහැකිවී තිබේ.