ඔලිම්පික් ශූරිය සුසන්තිකාට උපදේශක තනතුරක්
ඔලිම්පික් රිදී පදක්කම් ලාභී සුසන්තිකා ජයසිංහ අද ක්‍රීඩා අමාත්‍යංශයේ ක්‍රීඩා ප්‍රවර්ධන උපදේශකවරිය ලෙස වැඩ භාරගත්තේය.
මීට පෙර ඇයව සුගතදාස ක්‍රීඩාංගණ අධිකාරියේ අධ්‍යක්ෂවරියක් ලෙස ද පත් කිරිමට වත්මන් ක්‍රීඩා අමාත්‍යවරයා පියවර ගෙන තිබිණ.
පසුගිය කාලයේ දී තමන් ඇතුළු ජ්‍යේෂ්ඨ ක්‍රීඩකයන් ඇගයීමට ලක් නොවූ බවත් ක්‍රීඩාවට දේශපාලනය සම්බන්ධවීම තුළ බොහෝ ක්‍රීඩක ක්‍රීඩිකාවන් අසාධාරණයට ලක් වූ බව සුසන්තිකා ජයසිංහ මෙම අවස්ථාවේ දී ප්‍රකාශ කර ඇත.
පසුගිය කාලයේ දී තමන් ඇතුළු ජ්‍යේෂ්ඨ ක්‍රීඩක ක්‍රීඩිකාවන්ගෙන් ක්‍රීඩාවේ අභිවෘද්ධියට සේවයක් ලබා නොගත් බව ද ඇය වැඩිදුරටත් සඳහන් කර තිබේ.
