ජාතික ශූරතාවට ආසියානු සංගමෙන් ඩොලර් 5000 ක්
ජාතික ශූරතා මලල ක්‍රීඩා තරගාවලිය සංවිධානය කිරීමට හා පැවැත්වීමට ආසියානු මලල ක්‍රීඩා සංගමය මගින් ඇමරිකානු ඩොලර් 5000 ක ආධාරයක් ලබා දී තිබේ.
ශ්‍රී ලංකා මලල ක්‍රීඩා සංගමය හා ආසියානු මලල ක්‍රීඩා සංගමය අතර ඇති දැඩි සබඳතාව හේතුකොට ගෙන මෙම දීමනාව ලබා දී ඇති බව වාර්තා වේ.
එය මෙරට මුදලින් රුපියල් ලක්ෂ 9 කට ආසන්නවේ.
මේ අතර, ඉන්දියාවේ පැවැත්වෙන ජාතික ශූරතා මලල ක්‍රීඩා තරගාවලියට ක්‍රීඩක ක්‍රීඩිකාවන් 10 දෙනෙකුගෙන් යුත් කණ්ඩායමක් එවන ලෙස ආරාධනාවක් ලැබී තිබේ.
එම ආරාධනාව පිළිගෙන ක්‍රීඩක ක්‍රීඩිකාවන් 10 දෙනෙකු ඒ සඳහා යොමු කිරීමට ද මලල ක්‍රීඩා සංගමය තීරණය කර ඇත.
මේ අතර, දකුණු ආසියානු ක්‍රීඩා උළෙල ඉලක්ක කරමින්, ක්‍රීඩක ක්‍රීඩිකාවන්ට මසක පුහුණුවක් සඳහා අවස්ථාව ලබා දෙන මෙන් සත්කාරක නේපාලයෙන් හා භූතානයෙන් ඉල්ලීමක් කර ඇති බව ද වාර්තා වේ.
