බොරුවට අවුරුද්දයි – ඇමති මාරු වුණාට ක්‍රීඩාව මාරුවෙන්නෙ නෑ
ජාතික මහා ක්‍රීඩා උළෙලේ දක්ෂතම ක්‍රිඩකයාට හා ක්‍රීඩිකාවට යතුරු පැදි ලබා දෙන පවසා වසරක් ගෙවී ගියද අද වන තෙක් එය පොරොන්දුවක් පමණක් ව තිබේ.
එවක සිටි ක්‍රීඩා අමාත්‍යවරයා වන ෆයිසර් මුස්තෆා මහතා විසින් පොළොන්නරුවේ දී දක්ෂතමයන් වූ උසපැනීමේ ක්‍රීඩක මංජුල කුමාරට හා තුන්පිම්ම ක්‍රීඩිකා හෂිනී ප්‍රබෝදාට මෙම පොරොන්දුව වී තිබේ.
ඒ අනුව මංජුල කුමාර විසින් ක්‍රීඩා අමාත්‍යංශය වෙත ලිපියක් යොමු කරමින් මේ සම්බන්ධයෙන් විමසීමක් සිදු කර තිබේ.
ඒ අනුව ක්‍රීඩා අමාත්‍යවරයා විසින් එය ජනාධිපති ලේකම්වරයාගේ අවධානයට යොමුකරමින් ලිපියක් යොමු කර ඇත.
2018 වසරේ දී, ජාතික මහා ක්‍රීඩා උළෙලේ සමාප්තිය පොළොන්නරුවේ දී සටහන් වූ අතර, එහි ප්‍රධාන ආරධිතයා වූයේ ජනපති මෛත්‍රිපාල සිරිසේන මහතායි.
ඔහු අතින් දක්ෂතම ක්‍රිඩකයා හා ක්‍රීඩිකාව සම්මාන ලබා ගත්ත ද මේ දක්වා ලබා දුන් පොරොන්දුව ඉටු කිරීමට කිසිවෙකුට හැකියාව ලැබී නැත.
ජාතික මහා ක්‍රීඩා උළෙල සංවිධානය කිරීම සඳහා ක්‍රීඩා අමාත්‍යංශය විසින් විශාල මුදලක් නිකරුනේ නාස්ති කළ ද ක්‍රීඩක ක්‍රීඩිකාවන්ට ඉන් ප්‍රථිඵලයක් නොලැබෙන බව සියල්ලෝම දන්නා කරුණක්.
එසේ තිබියදී ලබා දුන් පොරොන්දුව ඉටු කරණු වෙනුවට එක් එක් කෙනා වෙත වරද පැටවීම වෘත්තීකයන් හා අමාත්‍යංශයක් විදියට සිදු නොකළ යුතුය.
හිටපු අමාත්‍යවරයා ලබා දුන් පොරොන්දුව වත්මන් අමාත්‍යවරයාට හො ඉටු කළ හැකි නම් ක්‍රීඩකයා ක්‍රීඩාවෙන් ඈත් වීම වලක්වා ගත හැකි නොවේ ද?
අමාත්‍යවාරයා මාරුවන විට, ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජනරාල් මෙන්ම අමාත්‍යාංශ ලේකම් ද මාරුවීම ක්‍රීඩාව හා ක්‍රීඩකයාට බලපාන ආකාරයට හොඳම උදාහරණයක් ලෙස මෙය දැක්විය හැක.
මංජුල කුමාර හා හෂිනී ප්‍රබෝදා අමාත්‍යවරයාට යොමුකළ ලිපිය හා අමාත්‍යවරයාගේ ප්‍රතිචාරය පහත දැක්වේ.
