අධ්‍යාපන නිලධාරීන් ඉබි ගමනේ ආසියාව දිනන දරුවො වැට උඩ…

මෙවර වයස 18 න් පහළ ආසියානු මලල ක්‍රීඩා ශූරතාවලිය සෞදි අරාබියේ දමාම් හී දී ලබන 15 සිට 18 දක්වා පැවැත්වීමට නියමිතයි.
ඊට ශ්‍රී ලංකාව නියෝජනය කිරීමට ක්‍රීඩක ක්‍රීඩිකාවන් 19 දෙනෙකු සුදුසුකම් සපුරා සිටීම විශේෂත්වයක් වනවා.

ආසියානු තරගාවලියකට ශ්‍රී ලංකාව නියෝජනය කිරීමට යොවුන් වියේදීම අවස්තාව ලැබීම ක්‍රීඩා දිවියේ හැරවුම් ලක්ෂයක් ලෙස සැලකෙනවා.

කෙසේ වෙතත්, පාසල් ක්‍රීඩක ක්‍රීඩිකාවන් නියෝජනය කිරීම හේතුවෙන් අධ්‍යාපන අමාත්‍යංශයේ නිර්දේශය කණ්ඩායමට මෙතෙක් ලැබී නැහැ.

කණ්ඩායමට ක්‍රීඩා අමාත්‍යංශයේ නිර්දේශය ලබා දීමට වගේම ක්‍රීඩක ක්‍රීඩිකාවන්ගේ පාසල් වෙත යොමු කිරීමට මෙම නිර්දේශය ඉතා වැදගත්.

එසේම වීසා ලබා ගැනීමට මෙන්ම ගුවන් ටිකට් පත් වෙන්කර ගැනීමටත් මේ අනුව ගැටළු මතුවනවා.

සහභාගීවන කණ්ඩායම මෙසේයි …
පිරිමි
ඉමේෂ් සිල්වා – මීටර් 100, සඳරුවන් සිල්වා – මීටර් 100, මදුවන්ත බෝගොඩ – මීටර් 400, ශනුක කොස්තා – මීටර් 400, සවිඳු නිමේෂ ඩයස් – මීටර් 400 කඩුලු, සවිඳු අවිශ්ක – මීටර් 800, රෙහාන් පෙරේරා – මීටර් 800, ලහිරු අචින්ත – මීටර් 3000, නෙත්‍යා සම්පත් – උස පැනීම
දිනුක ඩිල්ශාන් – උස පැනීම, ජේඑල් ජෙන්කින්ස් – තුන් පිම්ම, හන්සන ජයසිංහ – තුන් පිම්ම
කාන්තා
සෙව්මිණි ප්‍රනාන්දු – මීටර් 200, අභිෂේකා පේමසිරි – මීටර් 800, සන්සලා හිමාෂනී – මීටර් 800, අයේෂා සෙව්වන්දි – මීටර් 1500, නිධුකි ප්‍රාර්ථනා – මීටර් 1500, සචිනි මධුහංසිකා – මීටර් 2000 බාධක දිවීම, දිල්කි නෙහාරා – තුන්පිම්ම